राज्य सरकारकडून नवी नियमावली जारी; पाहा काय सुरु काय बंद?

             $ *रॉयल सातारा न्युज* $

 ~~🙏सामान्य जनतेच्या हक्का साठी ~~🙏

मुंबई: राज्यात करोनचा संसर्ग झपाट्याने वाढत असून, तो रोखण्यासाठी राज्य सरकारने पाच एप्रिल पासून राज्यात कडक निर्बंध लावले आहेत. 'ब्रेक द चेन' हे घोषवाक्य घेऊन अर्थ चक्राला धक्का न देता आणि श्रमिकांना त्रास न होण्याची काळजी राज्य सरकारने घेतली आहे. राज्य सरकारने नवी नियमावली जाहीर केली आहे. हे सर्व नियम येत्या 30 एप्रिल पर्यंत लागू करण्यात आले आहेत.

उपहारगृहे व बार पूर्णतः बंद

उपहारगृहे व बार पूर्णतः बंद राहतील पण उपहारगृह एखाद्या हॉटेलचा भाग असेल तर ते तिथे राहणाऱ्या अभ्यागतांना साठीच सुरू ठेवता येईल. बाहेरील व्यक्ती साठी प्रवेश असणार नाही. मात्र, टेक अवे किंवा पार्सलची सेवा सकाळी सात ते रात्री आठ या वेळेत सुरू राहील.

खाद्य विक्रेत्यांसाठी पार्सल सेवा

रस्त्याच्या कडेला असणाऱ्या खाद्य विक्रेत्यांना संध्याकाळी सात ते रात्री आठ केवळ पार्सल सेवेसाठी व्यवसाय सुरू ठेवता येईल. पार्सलची वाट पाहणाऱ्या ग्राहकांना सुरक्षित अंतर नियमांचे पालन करावे लागेल. मात्र, नियमांचे पालन होत नाही असे दिसले तर स्थानिक प्रशासन ते पूर्णपणे बंद करेल.

सलून, स्पा बंद

सलून स्पा आणि पार्लर या काळात बंद राहतील येथे काम करणाऱ्या कर्मचाऱ्यांनी लसीकरण पूर्ण करावे जेणेकरून लवकरात लवकर ही आस्थापना सुरू करता येतील.

वर्तमानपत्र

वर्तमानपत्र मुद्रित आणि वितरित करण्यास परवानगी असेल सकाळी सात ते रात्री 8 वाजेपर्यंत होम डिलिव्हरी करण्यास परवानगी आहे.

प्रार्थनास्थळ दर्शनासाठी नियम

सर्व धर्मीयांची प्रार्थनास्थळे बाहेरून येणारे भक्त दर्शनासाठी बंद राहतील. मात्र, या ठिकाणी काम करणारे कर्मचारी पुजारी वगैरे यांना दैनंदिन पूजाअर्चा करता येईल. पर्यटकांना या काळात बंदी असेल. पूजा-अर्चा करणाऱ्या कर्मचाऱ्यांचे केंद्र सरकारच्या नियमाप्रमाणं लवकरात लवकर लसीकरण पूर्ण करून घ्यावे.

मनोरंजन व करमणूकीची स्थळे बंद राहतील

चित्रपटगृहे, मल्टिप्लेक्स, नाट्यगृह, व्हिडिओ, पार्लर क्लब, जलतरण तलाव, क्रीडा संकुल, सभागृह वॉटर पार्क पूर्णपणे बंद राहतील.

रात्रीच्या संचारबंदी बाबत नियमावली

ज्या व्यक्ती रात्री आठ ते सकाळी सात या वेळेत रेल्वे बसेस विमान यातून आगमन किंवा प्रस्थान करणार असेल त्याला अधिकृत तिकीट बाळगावे लागेल. जेणेकरून तो संचारबंदी च्या कालावधीत स्थानकांत पर्यंत किंवा घरी प्रवास करू शकेल.

औद्योगिक कामगारांना त्यांच्या ओळखपत्राच्या आधारे रात्री आठ तर सकाळी सात या वेळेत कामाच्या काळा नुसार ये-जा करता येईल.

एखाद्या धार्मिक स्थळी विवाह किंवा अंत्यसंस्कार असेल तर शासनाने 4 एप्रिल रोजी दिलेल्या आदेशात ते नियमांचे पालन करून परवानगी देता येऊ शकेल.

परीक्षा देणाऱ्या विद्यार्थ्यांसाठी रात्री आठ नंतर घरी प्रवास करायचा असेल तर हॉल तिकीट बाळगावे लागेल.

आठवड्याच्या शेवटी म्हणजे शनिवारी आणि रविवारी विवाह समारंभ असेल तर स्थानिक प्रशासन त्यासंदर्भात परिस्थिती पाहून आणि नियमांचे पालन करण्याच्या अटींवर परवानगी देईल. घरगुती काम करणारे कामगार वाहन चालक स्वयंपाकी यांच्या रात्री आठ नंतर ये-जा करण्याच्या बाबतीत स्थानिक आपत्ती व्यवस्थापन प्राधिकरण परिस्थितीनुरूप निर्णय घेईल.

आवश्यक सेवा खालील प्रमाणे

पेट्रोल पंप आणि पेट्रोलियम संबंधित उत्पादने, सर्व प्रकारच्या कार्गो सेवा, डेटा सेंटर क्लाऊड सर्व्हिस प्रोव्हायडर, आयटी माहिती तंत्रज्ञान संबंधित महत्त्वाच्या पायाभूत सुविधा आणि सेवा, शासकीय व खाजगी सुरक्षा सेवा, फळविक्रेते.यांचा समावेश करण्यात आला आहे.

बांधकाम क्षेत्र

ज्या ठिकाणी बांधकाम सुरू आहे, त्या ठिकाणी कामगारांना राहण्याची परवानगी आहे. साईट सोडून इतर ठिकाणी जाण्यास बंदी असेल. फक्त बांधकामासाठी लागणारे साहित्य ने आण करण्यास मुभा असेल. साइटवरील सर्वांनी लवकरात लवकर केंद्र सरकारच्या नियमानुसार लसीकरण करून घ्यावे. ज्यांचे लसीकरण झालेले नाही त्यांनी rt-pcr टेस्ट चा निगेटिव रिपोर्ट बाळगणे आवश्यक आहे. जो 15 दिवसांसाठी वैध असेल 10 एप्रिल पासून हा नियम लागू होईल. 

नियम न पाळणार्‍या विकासकांना पहिल्यांदा दहा हजार रुपयांचा दंड आकारण्यात येईल नियम पुन्हा मोडल्यास कोवळी महामारी बाबत पुढील नियमावली येई पर्यंत सदर बांधकाम क्षेत्र बंद करण्यात येईल. जर एखादा कामगार करुणा पॉझिटिव्ह असेल तर तो किंवा वैद्यकीय सुट्टी साठी पात्र असावा सुट्टी च्या कारणास्तव कोणाचाही रोजगार बंद करता येणार नाही. रजेच्या काळात त्याला पूर्ण पगार द्यावा लागेल. कामगारांची आरोग्य तपासणी ठेकेदाराने करायची आहे.